"Нәүрүз - кояш һәм яз бәйрәме"

Барлык халыкларның иң шатлыклы вакыйгаларының берсе - яз килү. 21 мартта бөтен дөньяда табигатьнең яңарыш бәйрәме - Нәүрүз, безгә кадәр ерак гасырлардан килгән якты бәйрәм билгеләп үтелә. Бу - табигать уяну һәм яшәү тантаналары, яңа игенчелек елы башлану бәйрәме. Язгы бәйрәм алдыннан, 20 мартта, «Радость» халыкка социаль хезмәт күрсәтү комплекслы үзәгендә социаль хезмәт алучылар өчен “Нәүрүз - кояш һәм яз бәйрәме” фольклор бәйрәм булып узды. «Каприз» Балалар хореография коллективы бәйрәмне дәртле бию белән ачты. Чарада кунаклар Нәүрүзнең барлыкка килү тарихын, аны төрле халыклар ничек бәйрәм итүләрен белделәр. Татарстан Республикасында Нәүрүз бәйрәме традицияләре турындагы тарих аеруча игътибарга лаек булды. Үзәкнең социаль педагогы Кюнняй Манжурьева башкаруында «Пробуждение» композициясе якут музыка коралы хомусның сихри яңгырашы аша тере табигатьнең күп төрле тавышлары, язның беренче ноталары белән таныштырды. Бәйрәм «Вдохновение», «Звездочки» вокаль ансамбльләре, «Калинка» кашык ансамбле концерт номерлары, уен программасы белән үрелеп барды. Балалар һәм өлкәннәр традицион халык уеннарында бик теләп катнаштылар. Нәүрүзбикә бүләге – чәй белән зур күмәчкә – балалар бигрәк тә сөенде. Чараның мондый формасы сөенү хисләре бүләк итеп кенә калмый, катнашучыларны туган якның халык традицияләренә дә җәлеп итә, республикада яшәүче төрле халыклар арасында дуслык һәм үзара хөрмәт, ихтирам хисләре тәрбияли.