Зәйдә «Тере классика» муниципаль яшь укучылар конкурсы узды

12 мартта «Сәләтле балаларга өстәмә белем бирү үзәге - кече мәктәп укучылары фәннәр академиясе» базасында "Тере классика" Бөтенроссия яшь укучылар конкурсының район этабы узды. Бу конкурс - 5-11 сыйныф укучылары арасында рус һәм чит ил язучыларының проза әсәрләреннән өзекләрне кычкырып уку буенча ярыш. Конкурсның мәктәп этапларында җиңүчеләр үзләренә ошаган әсәрләрдән өзекләрне яттан укып чыктылар. Муниципаль этапта шәһәр һәм авыл мәктәпләреннән 22 укучы катнашты. Балалар үзләренең артистлык, сәнгать осталыкларын күрсәттеләр. Җиңүчеләр: 6нчы мәктәпнең 10 сыйныф укучысы Хафизов Марат (укытучысы: Апчаева Ю.И.), 9 сыйныф укучысы Мөзаффарова Динара (укытучысы: Красильникова Е.А.), 5нче мәктәпнең 7 сыйныф укучысы Жилкин Павел (укытучысы: Хөсәенова И.В.).