Ирекле көрәш буенча ачык Бөтенроссия ярышлары узды
8-9 мартта Түбән Кама шәһәрендә 2007-2008 елларда туган һәм 2011-2012 елларда туган егетләр арасында ирекле көрәш буенча ачык Бөтенроссия ярышлары узды. Ярышларда Үзбәкстан, Казахстан, Кыргызстан һәм Россиянең 30га якын төбәгеннән, шул исәптән Кабардино-Балкария, Чечня Республикасы кебек ирекле көрәш буенча алдынгы төбәкләрдән 330дан артык спортчы катнашты. Зәй шәһәре исеменнән 8 спортчы чыгыш ясады: Мөгурбиев Абүбәкәр, Хисмәтуллин Арслан, Хөснетдинов Әмир, Минькин Анатолий, Кузнецов Алексей, Якупов Әдел, Землянов Данис (тренер-укытучылар Хәйруллин И..Г., Кәлимуллин Л.М.). 29 килограммга кадәрге авырлык категориясендә Мөгурбиев Әбүбәкәр, Кабардино Балкария Республикасы вәкиленнән 4:8 исәбе белән калышып өченче урынны алды, 32 килограммга кадәрге авырлык категориясендә Хөснетдинов Әмир шулай ук спорт осталыгының лаеклы дәрәҗәсен күрсәтте һәм өченче урынны алды; 45 кг авырлыктагы категориядә Землянов Данис финалда Үзбәкстан вәкиленнән калып икенче урынны алды. Ярышларда 1-2 урынны алган спортчыларга спорт мастерына кандидатка спорт разряды бирелә. 55 килограммга кадәрге авырлык категориясендә Кәлимуллин Кәрим өченче урыннан минималь исәп белән генә калышты.