Зәй муниципаль районында Халыкара коррупциягә каршы көрәш көненә багышланган чаралар комплексы үткәрелә

Халыкара коррупциягә каршы көрәш көне 2003 елдан бирле ел саен 9 декабрьдә билгеләп үтелә. Бу көн БМО Генераль Ассамблеясы тарафыннан 2003 елның 1 ноябрендә кабул ителгән Берләшкән Милләтләр Оешмасының коррупциягә каршы Конвенциясенә кул кую өчен ачылды. Конвенциянең максаты-коррупцияне кисәтү һәм бетерү. Зәй муниципаль районында коррупцияне профилактикалау һәм аңа каршы тору буенча нәтиҗәле эшчәнлекне тәэмин итүгә юнәлдерелгән чаралар системасы гамәлгә ашырыла, коррупциягә каршы законнарны камилләштерү буенча эш алып барыла. Шул максаттан район башлыгы боерыгы белән расланган план нигезендә 2023 елның 15 ноябреннән 15 декабренә кадәр Хокук саклау һәм контроль-күзәтчелек органнары вәкилләре, депутатлар,массакүләм мәгълүмат чаралары вәкилләре, җәмәгатьчелек катнашында коррупциягә каршы көрәш буенча комиссияләрнең киңәйтелгән утырышлары, конкурслар, форумнар, конференцияләр, коллегияләр һәм түгәрәк өстәлләр үткәрелә.