«Сәләтле бала – 2023»-III Региональ конкурсы үтте

2023 елның 29 ноябрендә «Алтынчәч» балалар бакчасында «Сәләт бала – 2023»III Региональ конкурсына йомгак ясалды. Педагог һәм остаз елында конкурс «Хыялым - тарбияче булу» темасына оештырылды. Конкурста Зәй, Түбән Кама, Алабуга һәм Баулы районнарының 29 тәрбияләнүчесе катнашты. Тәрбияләнүчеләр конкурс темасының төрле аспектларын чагылдырган иҗади эшләр тәкъдим иттеләр: педагогның (тәрбияче, укытучы) тормышта, үсеп килүче кешене тәрбияләүдә роле; әдәбиятта, халык иҗатында педагог (тәрбияче, укытучы) образы; педагогик династияләр. «Сәләт бала – 2023» конкурсы нәтиҗәләре буенча Гран-прига Зәй шәһәренең «Кояшкай» балалар бакчасында тәрбияләнүче Миннегалиев Аяз ия булды. Шулай ук жюри төрле номинацияләрдә иң якты эшләрне билгеләп үтте. Җиңүчеләрнең барысы да дипломнар белән бүләкләнде.