Зәй районы җирле үзидарә органнары җитәкчеләренең чираттагы семинары узды

Бүген Югары Мәлем авылы җирлеге базасында Зәй районы җирле үзидарә органнары җитәкчеләренең чираттагы семинары узды. Программа буенча семинарда катнашучылар Хәкимуллин Фаил Нәҗип улының КФХсында булдылар, яңа күперне, муниципаль янгын күзәтчелеге бинасын һәм социаль объектларны карадылар. Авыл мәдәният йортында район башлыгы Разиф Гали улы Кәримов рәислегендә семинарның пленар өлеше узды. 2023 елның 10 аенда авыл җирлекләре эшчәнлеген аерым күрсәткечләр буенча бәяләүгә анализны район башкарма комитеты җитәкчесенең икътисади үсеш буенча урынбасары вазыйфаларын башкаручы Марат Хәбибуллин ясады. Югары Налим авыл җирлеге җирле үзидарә органнарының 2023 елның 11 аендагы эше һәм калган чорга бурычлары турында Югары Мәлем авыл җирлеге башлыгы Ленар Сибгатуллин хәбәр итте. «Агросила» АҖнең буш терлекчелек биналарын куллану турында Зәй районы авыл хуҗалыгы һәм азык-төлек идарәсе башлыгы Фәргать Камалиев хәбәр итте. Район җитәкчелеге йөкләмәләре семинар протоколына кертелде.