Зәйдә #Кадровиклар бергәлеге Митапының чираттагы очрашуы булды

"Демография" милли проектының "Мәшгульлеккә ярдәм итү" проектын гамәлгә ашыру кысаларында октябрьдә Митапның #Кадровиклар бергәлегенең чираттагы очрашуы булды. Митап #Кадровиклар актуаль кадрлар мәсьәләләре буенча фикер алышу һәм белемнәр, тәҗрибә алмашу өчен кадрлар хезмәте белгечләренең рәсми булмаган аралашуыннан гыйбарәт. Бүген аларга базар шартлары таләп итә торган, конкрет ситуацияләр, проблемалар һәм аларны хәл итү юллары турында фикер алышу мөмкинлеге булачак. Спикер буларак Эльвира Хәйретдинова, «Челтәр компаниясе» АҖ филиалының персонал белән идарә итү бүлеге башлыгы чыгыш ясады. Чарада шулай ук Азнакай, Түбән Кама һәм Лениногорск шәһәре халкын эш белән тәэмин итү үзәкләре директорлары һәм белгечләре катнашты. Очрашуда катнашучылар алдында Зәй шәһәре мәшгульлек үзәге директоры Екатерина Андреева чыгыш ясады. Чараның икенче өлешендә Эльвира Хәйретдинова үзенең кадрлар сәясәтен гамәлгә ашыру тәҗрибәсе белән уртаклашты. «Челтәр компаниясе» АҖ филиалы Түбән Кама электр челтәрләре 2022 елда яшьләрне эшкә урнаштыруның иң яхшы практикалары буенча бөтенроссия конкурсында җиңүче, «2022 ел йомгаклары буенча Татарстан Республикасында остазлыкның иң яхшы практикалары» конкурсы призеры булды.