Зәй муниципаль районы Гражданлык хәле актларын теркәү бүлегендә "Көмеш юбилей” үтте
1 ноябрьдә Зәй муниципаль районы Гражданлык хәле актларын теркәү бүлегендә Пальцевлар гаиләсе үзләренең көмеш юбилейларын тантаналы рәвештә билгеләп үттеләр. Нәкъ 25 ел элек Олег Петр улы белән Лилия Рәсим кызы гаилә кордылар һәм шул вакыттан бирле кайгыда да, шатлыкта да тормыш юлыннан бергә атлыйлар. Көмеш юбилей - бер-береңә ихтирамны һәм мәхәббәтне саклау билгесе. Әлеге бәйрәм көмеш дип атала, чөнки көмеш күңел чисталыгы символы булып тора. Гражданлык хәле актларын теркәү бүлегендә үтүче тантаналы бəйрəмгә юбилярларны котларга дип балалары Алена, Алина, Милена, туганнары һəм якыннары җыелды. Гражданлык хәле актларын теркәү бүлеге җитәкчесе Гөлфия Валишина аларга озын, бəрəкəтле тормыш телəде. Гадəттəгечə Пальцевлар гаилəсе исемнәре Гражданлык хәле актларын теркәү бүлегенең Мактау китабына кертелде.