Зәйдә авыл хуҗалыгы һәм эшкәртү сәнәгате хезмәткәрләре хөрмәтләнде
Бүген «Энергетик» мәдәният сараенда авыл хуҗалыгы һәм эшкәртү сәнәгате хезмәткәрләренең слеты узды. Тантаналы чарада район башлыгы Разиф Кәримов, Татарстан Республикасы Авыл хуҗалыгы һәм азык - төлек министры урынбасары Гөлүс Баязитов, Хөкүмәт кураторы-Татарстан Республикасының мәдәни мирас объектларын саклау комитеты рәисе Иван Гущин катнашты һәм авыл хезмәтчәннәрен һөнәри бәйрәмнәре белән котлады.
Район башлыгы Разиф Гали улы үзенең чыгышында билгеләп үткәнчә, 2023 ел уңышы быел авыл хезмәтчәннәренә моңарчы күрелмәгән кыенлыклар аша килде – майның беренче декадасында төнге салкыннар күпчелек чәчүлекләрнең зыян күрүенә, хәтта кайбер кырларның һәлак булуына китерде, майның икенче һәм өченче декадасында температура режимының күтәрелүе һәм озакка сузылган корылык шытымнарга зур зыян салды. Шуңа да карамастан, Зәй игенчеләре иген һәм техник культураларның лаеклы уңышын үстерә алдылар.
Татарстан Республикасы Рәисеннән Зәй хезмәтчәннәренә фидакарь хезмәтләре өчен рәхмәт сүзләрен Иван Гущин белдерде.
"Зәй районы Татарстанда авыл хуҗалыгы продукциясе җитештерү буенча алдынгы муниципалитетларның берсе булып тора. Район башлыгы, аның командасы һәм аграрийлары ярдәмендә сез берничә ел дәвамында куелган планканы төшермисез, хәтта быелгы катлаулы, корылык шартларында да, чәчүлекләргә май салкыннары зыян китергәндә дә сез шактый яхшы уңыш ала алдыгыз, һөнәрегезгә тугрылыгыгыз һәм туган җирегезгә мәхәббәтегез өчен рәхмәт», - дип билгеләп үтте Иван Николаевич.
Шулай ук кунакларны Татарстан Республикасы Дәүләт Советы депутаты Николай Нефедов һәм башка рәсми затлар котлады.
Районның алдынгы авыл хуҗалыгы хезмәткәрләре Россия, республика һәм район дәрәҗәсендәге төрле бүләкләр белән билгеләнде. Республиканың агросәнәгать комплексын үстерүгә зур өлеш керткәне һәм күпьеллык намуслы хезмәте өчен «Фидакарь хезмәт өчен» Татарстан Республикасы медале белән «Зәй шикәре» агрофирмасының тракторчы - машинисты Баһаутдинов Дамир Хәбир улы, Россия Федерациясе Авыл хуҗалыгы министрлыгының Мактау грамотасы белән авыл хуҗалыгы һәм азык-төлек идарәсенең финанс - икътисад бүлеге башлыгы Рәмзия Мәхмүт кызы Миңнеханова бүләкләнде. Күпьеллык намуслы хезмәте һәм агросәнәгать комплексы үсешенә зур өлеш керткәне өчен Татарстан Республикасы Авыл хуҗалыгы һәм азык-төлек министрлыгының Рәхмәте: Казаков Геннадий Михайловичка – «Союз-Агро " ҖЧҖнең Кузайкино төбәк җитештерү комплексы тракторчы-машинистына, Князева Анна Павловна-Татарстан Республикасы буенча «Россия Авыл Хуҗалыгы Үзәге» ФДБУ филиалының Зәй районы бүлегенең орлыкчылык буенча әйдәп баручы агрономы; Мәгъсүмов Фаил Якупович – «Зәй шикәре» агрофирмасының ясалма орлыкландыру буенча операторы; Москов Николай Николаевич - ветеринария фельдшеры-Югары Налим ветеринария участогы мөдире; Ногманов Марат Сөләйманович-«Агросила – Логистика» ҖЧҖ йөк автомобиле йөртүчесе; Шәйдуллин Габделхак Гомәрович-«Зәй шикәре» агрофирмасының «Чыбыклы» җитештерү комплексының әйдәп баручы агрономына игълан ителде.
Күпьеллык нәтиҗәле хезмәте һәм авыл хуҗалыгы үсешенә зур өлеш керткәне өчен Татарстан Республикасы Министрлар Кабинетының Рәхмәт хаты Рәхмәтов Марсель Хәйдәр улына - авыл хуҗалыгы һәм азык-төлек идарәсенең җитештерү бүлеге башлыгына тапшырылды.
9 кеше район башлыгының Мактау грамотасы белән бүләкләнде. Бәйрәмнең кульминациясе - 2700 тоннадан артык ашлык суктырган комбайнчыларны бүләкләү булды. Районның 9 механизаторына 50 мең сумлык сертификат, тасма һәм ел икмәгеннән күмәч тапшырылды. 2500-2700 тонна ашлык суктырган 3 комбайнчы 40 мең сум күләмендә акчалата премия белән бүләкләнде, 2300-2500 тонна ашлык суктырган 6 комбайнчы 30 мең сум күләмендә акчалата премия алды.
Акчалата премияләр белән шулай ук алдынгы хуҗалык җитәкчеләре, азык әзерләү, шикәр чөгендере җыю буенча механизаторлар, машина белән саву операторлары, терлекчеләр бүләкләнде.
Тантанада катнашучыларга хезмәтләре, уңышлары, крестьян һөнәренә тугрылыклары өчен рәхмәт белдерделәр, барысына да ныклы сәламәтлек, бәхет, гаилә иминлеге, тыныч күк һәм яңа хезмәт казанышлары теләделәр.
Бәйрәм дәвамында авыл хуҗалыгы хезмәткәрләрен «Энергетик» мәдәният сараеның хореография һәм вокал коллективлары, Татьяна Давыдова, Татарстан Республикасының атказанган артисты Айдар Сөләйманов үз чыгышлары белән яңа хезмәт уңышларына рухландырды.