Зәйдә юл хәрәкәте куркынычсызлыгын тәэмин итү комиссиясенең киңәйтелгән утырышы узды

Бүген хакимият бинасының зур залында район башлыгы Р.Г.Кәримов, Башкарма комитет җитәкчесе Э.Э. Галиев, Россия Эчке эшләр министрлыгының Зәй районы буенча бүлеге башлыгы М.Ә.Дәүләтшин, Россия Эчке эшләр министрлыгының Зәй районы буенча бүлегенең ЮХИДИ бүлеге башлыгы Р.Г. Гарифуллин, учреждение һәм оешмалар җитәкчеләре, авыл җирлекләре башлыклары, мәктәп директорлары һәм балалар бакчалары мөдирләре катнашында юл хәрәкәте куркынычсызлыгын тәэмин итү комиссиясенең киңәйтелгән утырышы узды. Зәй районы территориясендә юллардагы хәлләр турында 2023 елның 9 ае йомгаклары буенча Россия Эчке эшләр министрлыгының Зәй районы буенча бүлегенең ЮХИДИ бүлекчәсе башлыгы Р.Г. Гарифуллин хәбәр итте; Балалар юл-транспорт травматизмын профилактикалау, мәгариф учреждениеләрендә юл хәрәкәте иминлеген пропагандалау буенча үткәрелә торган чаралар турында «Зәй районында юл хәрәкәте иминлеге» ДБУнең бүлек башлыгы В.В.Иванов аңлатты; Зәй шәһәре һәм районында юлларны карап тоту эшләре турында «Татнефтедор» ҖЧҖнең Зәй автомобиль юллары идарәсе башлыгы Ф.Р.Хәернасов сөйләде; Юл хәрәкәте куркынычсызлыгын тәэмин итү һәм 2023нче елгы көзге каникул чорында Зәй муниципаль районы мәгариф учреждениеләрендә юл хәрәкәте иминлеген тәэмин итү буенча башкарыла торган эшләр турында «Зәй муниципаль районы Башкарма комитетының мәгариф идарәсе» МКУ башлыгы вазыйфаларын башкаручы Г.М.Шәрәфиева хәбәр итте; Авыл җирлекләрендә юл хәрәкәте иминлеге буенча профилактик эш алып бару буенча мәгълүмат белән Югары Мәлем авыл җирлеге башлыгы Л.И.Сибгатуллин чыгыш ясады. Район башлыгы кышкы чорга үз вакытында әзерләнү, юлларны һәм җәяүлеләр йөри торган урыннарны кардан чистарту, халыкның барлык яшь төркемнәре белән мәгълүмати-пропаганда чаралары уздыру, юл хәрәкәте кагыйдәләрен үтәүгә игътибарны юнәлтү, кием-салымда яктылыкны кире кайтаручы элементларны файдалану кирәклеген искәртте. Юл хәрәкәтендә катнашучыларны юлларда үтә игътибарлы булырга чакырды. Һава шартлары үзгәргәндә аеруча куркыныч булуын, ул вакытта юлларда боз һәм туңдырма барлыкка килүен, тизлек режимын сакларга, бигрәк тә балалар учреждениеләре һәм җәяүлеләр йөри торган урыннарда , транспорт белән идарә иткәндә аеруча игътибарлы булырга, куркынычсызлык каешын эләктерергә, балаларны тотып тору җайланмаларыннан файдаланып йөртергә кирәклеген ассызыклады. Юл хәрәкәтендә катнашучыларның тормышы һәм сәламәтлеге, һәрбер юл хәрәкәтендә катнашучының үзен дөрес тотуына бәйле икәнен истә тоту һәм аңлау мөһимлегенлеген искәртте. Утырышка район башлыгы Разиф Кәримов йомгак ясады.