Бөек Ватан сугышы ветеранында кунакта

Бүген туган якны өйрәнү музее хезмәткәрләре «Гомер көзе җылы булсын» акциясе кысаларында Бөек Ватан сугышы ветераны А. И. Моисеевага кунакка килделәр. 1942 елда Анна Ивановна үз теләге белән фронтка китә. Сугыш дәвамында ул хәрби-кыр госпиталендә шәфкать туташы булып хезмәт итә. Анна Ивановна «Хәрби хезмәтләре өчен», «Берлинны алган өчен», «Георгий Жуков» медальләре, II дәрәҗә «Ватан сугышы» ордены һәм башка күп кенә бүләкләр белән бүләкләнә. Демобилизациядән соң 40 ел Зәй район хастаханәсендә шәфкать туташы булып эшли. Анна Ивановна туган якны өйрәнү музеена нигез салу башында да тора һәм анда 4 ел эшли. Ул һәрвакыт музей өчен борчыла, яңалыклар һәм Иске Зәйдә уздырылган чаралар белән кызыксына. Бу юлы музей хезмәткәрләре аңа Виктор Китовның яңа шигырьләре видеоязмасын тыңлаттылар. Элек алар күршеләр булып торган һәм бер-берсен яхшы беләләр. Февраль аенда Анна Ивановнага 100 яшь тулды, аның белән һәр очрашу ниндидер яңалык китерә. Бу юлы Анна Ивановна бүлмә гөлләрен ничек каравы һәм аларга банан кабыклары төнәтмәсе сибүе турында сөйләде.