Зәйдә шәһәр төзелеше Советының чираттагы утырышы узды

Бүген хакимият бинасының зур залында район башлыгы Р.Г. Кәримов рәислегендә Зәй муниципаль районы шәһәр төзелеше Советы утырышы узды. Көн тәртибенә түбәндәге эскиз проектларын тикшерү буенча сораулар кертелгән иде: 1.Зәй шәһәре, Рафиков урамы (2 нче парк) адресы буенча диңгезче сугышчыларга һәйкәл; 2. Зәй шәһәре, Җиңү проспекты, 1/18 йорт адресы буенча стоматология клиникасының керү төркеме; 3. Зәй шәһәре, Җиңү проспекты адресы буенча «Сияние» торак комплексы. Беренче мәсьәләне караганнан соң Зәй шәһәре Башкарма комитетына архитектура бүлеге белән берлектә урынга чыгып сугышчы диңгезчеләргә һәйкәл урнаштыру урынын билгеләргә тәкъдим ителде. Икенче мәсьәлә буенча милекчегә инвалидларга стоматология клиникасы биналарына керү мөмкинлеген тәэмин итәргә киңәш ителде. (күтәргеч куярга). Шәһәр төзелеше Советы утырышына район башлыгы, шәһәр төзелеше Советы рәисе Р.Г. Кәримов йомгак ясады.