Зәй спорт мәктәпләрендә тәрбияләнүчеләр «Все свои» марафоны кысаларында ГТО нормативларын тапшырды

17 октябрьдә районның спорт мәктәпләре «Все свои» марафонына кушылды. Аларда шөгыльләнүчеләр ГТО нормативларын тапшырдылар: идәндә яткан хәлдә кулларны бөгү һәм турайту, гимнастика эскәмиясендә басып торып иелү, идәндә ятып гәүдәне күтәрү, ике аяк белән этелеп озынлыкка сикерү. Марафонда барлыгы 93 спортчы катнашты. Ил патриотын тәрбияләү әлеге чараның мөһим бурычы булып торды.