Зәй районында авыл җирлекләре башлыклары семинары узды

Бүген Чыбыклы авылында район авыл җирлекләре башлыкларының чираттагы семинары узды. Пленар өлешкә кадәр семинарда катнашучылар Баһаутдинов Альбертның шәхси ярдәмче хуҗалыгында, Харитонов ИП кибетендә, ветеринария пункты бинасында булдылар, авылның социаль объектлары: стадион, балалар бакчасы, ФАП, мәктәп, Бөек Ватан сугышында катнашучыларга һәйкәл, балалар бакчасын карадылар. Семинарның пленар өлеше авыл мәдәният йортында узды. Катнашучыларны район башлыгы Разиф Кәримов сәламләде. 2023 елның 9 аенда авыл җирлекләре эшчәнлеген аерым күрсәткечләр буенча бәяләүне район башкарма комитеты җитәкчесенең икътисади үсеш буенча урынбасары вазыйфаларын башкаручы Марат Хәбибуллин анализлады. Җирле үзидарә органнарының 2023 елның 9 аендагы эше һәм калган чорга бурычлары турында Чыбыклы авыл җирлеге башлыгы Илфат Гадершин хәбәр итте. Шулай ук семинарда авыл җирлекләрендә хуҗалык итүнең кече формаларын үстерү һәм мөгезле эре терлекләрнең баш санын саклау, хайваннар һәм йорт кошлары арасында йогышлы авырулар таралуга юл куймау, элек исәпкә алынган күчемсез милек объектларының хокук ияләрен ачыклау, гражданнарның үзара салым җыеннарына әзерлек, армия хезмәтенә көзге чакырылыш барышы һәм гражданнарны контракт буенча хәрби хезмәткә сайлап алу мәсьәләләре каралды. Йомгак ясап, Разиф Гали улы мондый семинарларның нәтиҗәлелеген һәм әһәмиятен билгеләде, районның авыл җирлекләре башлыкларын көн тәртибендәге барлык мәсьәләләр буенча эшне активлаштырырга өндәде. Шулай ук башлыклар алдына шәхси ярдәмче хуҗалыкларны, мини - ферма һәм сыерлар санын арттыру бурычы куелды.