Зәйдә кыска вакытлы ялдагы мобилизацияләнгән хәрбиләр белән чираттагы очрашу узды

Бүген мәктәп укучыларының Кече фәннәр академиясе базасында кыска вакытлы ялда булган мобилизацияләнгән гражданнар белән очрашу узды. Очрашуда мобилизацияләнгән хәрбиләрнең һәм иреклеләрнең гаиләләренә ярдәм мәсьәләләре буенча эшче төркем әгъзалары, Зәй шәһәре һәм Зәй районы хәрби комиссариаты вәкилләре, активистлар һәм волонтерлар, иҗтимагый берләшмәләр әгъзалары катнашты. Чара «Каприз» ансамбле солисты һәм 6 нчы мәктәп педагогы С.П. Уразайкин башкаруында «Әтиемә хат» дигән күңелгә үтеп керерлек биюдән башланды. Очрашуда каинашучылар бер минут тынлык белән махсус хәрби операция зонасында һәлак булган якташларын искә алдылар. Район башлыгы Разиф Кәримов хәрбиләрне райондагы эшләрнең барышы белән таныштырды, барлык зәйлеләр исеменнән солдатларга Ватан мәнфәгатьләрен яклаган өчен рәхмәт белдерде, аларның батырлыгын, бурычларына һәм антларына тугрылыгын билгеләп үтте, ялдан тулы көч туплап китүләрен һәм барысының да җиңү белән өйгә кайтуларын теләде. Чәй табынында сугышчылар үз хезмәтләре турында сөйләделәр, ярдәмнәре өчен барлык зәйлеләргә зур рәхмәт белдерделәр. Очрашу барышында Үзәк хәрби округ гаскәрләре Командующиеның Мактау грамотасы белән 2023 елның язында гражданнарны хәрби хезмәткә чакыруны оештыруда һәм үткәрүдә күрсәткән тырышлыгы һәм хезмәттәге уңышлары, вазыйфаи бурычларын намус белән үтәгәне өчен Башкарма комитет җитәкчесенең социаль мәсьәләләр буенча урынбасары Р.Н. Камалова бүләкләнде. Мобилизацияне җәелдерү базасын камилләштерүдә, кеше һәм транспорт ресурсларын мобилизацияләүдә актив эшләгәне өчен район башкарма комитеты административ комиссиясенең баш белгече Т. Р. Кашаповка ТР Хәрби комиссары грамотасы тапшырылды. Очрашу ахырында хәрбиләргә район администрациясеннән бүләкләр тапшырылды.