Зәй «Все свои» патриотик марафонына кушылды

17 октябрьдә «Энергетик» мәдәният йорты мәйданында Татарстан Республикасында патриотизмга һәм контракт хезмәтенә киң мәгълүмати ярдәм оештыру максатында «Все свои» патриотик марафоны узды. Иртәнге сәгать 10нан патриотик музыка яңгырады. Яшьләр эшләре идарәсе белгечләре һәм волонтерлары корал һәм агитация материаллары: листовкалар һәм газеталар тарату күргәзмәсе белән хәрби-патриотик клублар мәйданчыклары оештырды. 15-17 сәгатьләрдә зур патриотик концерт узды, анда «Энергетик» мәдәният йорты һәм район мәдәният йорты иҗат коллективлары, Үзәк китапханә һәм балалар музыка мәктәбе хезмәткәрләре катнашты. Концерт 3 блокка бүленде: патриотик, күпмилләтле, хәрби. Марафонда 300дән артык кеше катнашты.