Зәйдә чакырылыш комиссиясе утырышы узды

Бүген шәһәрнең хәрби комиссариатында чакырылыш комиссиясе рәисе Эмиль Галиев катнашында чираттагы утырыш узды. Комиссия 8 егетнең шәхси эшен карады, аларның 7 се хәрби хезмәткә яраклы дигән карар кабул итте, бер чакырылучы сәламәтлеге буенча медицина тикшерүе үтәргә җибәрелде. Эмиль Эдуардович һәм чакырылыш комиссиясе әгъзалары үгет-нәсыйхәт сүзләре белән чыгыш ясадылар һәм булачак солдатларга лаеклы хезмәт итүләрен теләделәр. Шулай ук «Все свои» Марафоны кысаларында чакырылучыларга контракт хезмәте турында искәрмә кәгазьләре таратылды.