Зәй командасы - Р.Ш. Фәрдиев истәлегенә көрәш турниры җиңүчесе

Бүген "Яшьлек" боз сараенда Р.Ш. Фәрдиев истәлегенә көрәш буенча бөтенроссия ярышлары тәмамланды. Финал башланыр алдыннан көрәшчеләр алдында район башлыгы Разиф Гали улы Кәримов чыгыш ясады, ул спортчыларга турнирда катнашулары, ата-бабаларыбызның милли традицияләренә тугрылыклы һәм тирән хөрмәт күрсәтүләре, үз төбәкләрендә көрәшне үстерүләре һәм камилләштерүләре өчен рәхмәт белдерде, гадел көрәштә лаеклы җиңү теләде. Зәйлеләр Россиянең иң көчле көрәшчеләренең мавыктыргыч бил алышулары шаһиты булдылар. Киеренке көрәш нәтиҗәләре буенча Татарстан Республикасы районнары арасында команда зачетында 1 урынны Зәй районы командасы, 2 урынны Чаллы командасы, 3 урынны Әлмәт командасы алды. Безнең командага җиңү китерделәр: Сәлахов Радик-130 кг авырлыкта чемпион, Ибраһимов Җәмил - 2005-2006 елгы егетләр арасында 60 кг авырлыктагы чемпион, Вәлиев Булат – 2007-2008 елгы егетләр арасында 60 кг авырлыкта - 1 урын, Закиров Арслан - 2007-2008 елгы егетләр арасында 65 кг авырлыкта -3 урын, Гадершин Булат - 80 кг авырлыкта - бронза призер, Павлик Сергей – 130 кг авырлыкта бронза призер. Җиңүчеләрне һәм призерларны бүләкләүдә Разиф Гали улы Кәримов, район Башкарма комитеты җитәкчесе Эмиль Эдуард улы Галиев, Россия көрәш федерациясе башкарма директоры Ришат Булат улы Мөбарәкҗанов, Ринат Шәех улының апасы Разия Галимәрданова, сеңлесе Зөлфия Муллаян кызы Шәрипова, спорт ветераннары катнашты.