Зәйдә Чакырылучы көне узды

Бүген Зәй политехника көллияте базасында чираттагы чакырылыш алдыннан тантаналы шартларда «Чакырылучы көне-2023» бәйрәме оештырылды. Залда Россия гимны яңгырады һәм Россия Федерациясе һәм Татарстан Республикасы байраклары кертелде. Бәйрәмне тантаналы ачу өчен сүз Зәй муниципаль районы Башкарма комитеты җитәкчесе Галиев Эмиль Эдуард улына бирелде. Хәрби хезмәткә чакырылучыларга үгет- нәсыйхәт сүзләрен хәрби комиссариатның гражданнарны хәрби хезмәткә әзерләү һәм чакыру бүлеге башлыгы Гурьянов Александр Юрьевич, район ветераннар советы рәисе Алексеев Алексей Васильевич, «Сугышчан туганлык» Зәй иҗтимагый оешмасы рәисе, «Ватанны саклаучылар» дәүләт фондының социаль координаторы Хватков Сергей Александрович, «Билал» мәчете имам хатибы Илсур хәзрәт Әюпов, Зәй округы Благочинные - иерей Вячеслав Федоров җиткерделәр. Шулай ук чарага махсус хәрби операциядә катнашучылар да чакырылган иде. Мөхтәрәм кунаклар армия хезмәте - һәр яшь кеше тормышында мөһим этап, һәм нәкъ менә армия ир-атка үз йортын, үз гаиләсен һәм дәүләтен якларга өйрәтәчәк, ә бәлки тормышында төп эше дә булачак, -дип билгеләп үттеләр. Чарада катнашучылар һәм кунаклар өчен «Гвардия» эзләнү отряды эшчәнлеге турында документаль фильм күрсәтелде, Бөек Ватан сугышы барган урыннарда табылган артефактлар күргәзмәсе оештырылды, шулай ук автоматларны сүтеп - җыю мәйданчыгы да эшләде. Чара дәвамында үзенең музыкаль номерлары белән «Энергетик» мәдәният йортының «Кайнар йөрәкләр» концертлар төркеме чыгыш ясады.