Зәйдә күп балалы гаиләдә алтынчы бала дөньяга килде

2023 елның 5 октябре, пәнҗешәмбе

16 сентябрьдә Зәй районында яшәүче күп балалы Коханевич Руслан Александр улы һәм Анастасия Валерий кызы гаиләсендә алтынчы бала туды.  Сабыйга – Есения дип исем куштылар. Әти-әниләр өчен балалар-тормыш чәчәкләре. Улың туса – киләчәктә ул синең ышанычың һәм  таянычың булыр,  кызың туса - бәхет шатлык китерүче диләр. ГХАТ бүлеге җитәкчесе Гөлфия Вәлишина бәхетле әтигә Татарстан Республикасы Рәисе Рөстәм  Миңнеханов исеменнән котлау открыткасы тапшырды. Коханович гаиләсе - Зәй районының күпләр үрнәк алырлык күп балалы һәм бәхетле гаиләсе.