Грипп авыруын кисәтү

Грипп-кискен йогышлы авыру, аның массакүләм таралуы һәм җитди катлауланулар барлыкка килү куркынычы зур. Йогу юллары: күбесенчә һава-тамчы юлы белән: сөйләшкәндә, ютәлләгәндә, төчкергәндә; сирәк очракта- контактлы-көнкүреш юлы: пычрак куллар, гомуми көнкүреш һәм гигиена әйберләре, савыт – саба аша. Симптомнары: температураның 38 -40°с кадәр кискен күтәрелүе, баш авырту, хәлсезлек, мускулларда һәм буыннарда авырту, борын тыгылу, ютәлләү, тамакны кыру. Грипп өзлегүләр белән куркыныч! Аларга бронхит, пневмония, отит, синусит, миокардит, перикардит, менингит, энцефалит, булган хроник авыруларның кискенләшүе керә. Грипп симптомнары барлыкка килгәч: өйдә калыгыз; үзлектән дәваланмагыз; табибка мөрәҗәгать итегез; башка кешеләр белән контактка кермәгез. Гриппны кисәтү өчен- ел саен грипптан прививка ясатыгыз; кулларыгызны сабын белән даими юыгыз яки антисептик белән эшкәртегез; пычрак кулларыгыз белән йөзегезгә, бигрәк тә күзләрегезгә, борыныгызга яки авызыгызга кагылмагыз; социаль дистанцияне саклагыз. Кешеләрнең күпләп җыелу урыннарына баруны киметегез; пик сәгатьләрендә транспортта йөрүдән сакланыгыз; җәмәгать урыннарында битлекләрне кулланыгыз; даими рәвештә дымлы җыештыру һәм биналарны җилләтү үткәрегез; гаджетларны даими рәвештә зарарсызландырыгыз. Вакцинация-грипптан иң яхшы саклану! Гриппка каршы вакцинация ел саен халыкның барлык төркемнәренә, 6 айлыктан олы яшькә кадәр үткәрелә. Вакцинация өчен иң яхшы вакыт – сентябрь, октябрь, ноябрь. Зәй районы һәм Зәй шәһәре халкы прививканы район үзәк дәваханәсе поликлиникасының 307 нче кабинетында (дүшәмбе-җомга 08.00 дән 16.00 гә кадәр), каб. 208 (дүшәмбе-җомга 16.00 дән 18.00 гә кадәр, шимбә 8.00 дән 12.00 гә кадәр), шулай ук Зәй районының фельдшер-акушерлык пунктларында һәм табиб амбулаторияләрендә ясата ала.