Зәйдә шәһәр предприятиеләре һәм оешмаларының ел саен эшли торган һәм авыл яшьләренең еллык туристик слеты узды
23 сентябрьдә “Йолдызлык” балалар бакчасында шәһәр предприятиеләре һәм оешмаларының ел саен эшли торган һәм авыл яшьләренең еллык туристик слеты узды. Быел авыл җирлекләреннән 4 команда:Якты күл, Сәвәләй, Сарсаз-Баграж, Аксар һәм шәһәр предприятиеләреннән һәм оешмаларыннан 4 команда: Зәй политехника көллияте, шикәр заводы, Зәй ГРЭС, спорт идарәсе катнашты. Катнашучыларга төрле дистанцияләр узарга кирәк булды. Ярышлар нәтиҗәсендә урыннар түбәндәгечә бүленде: 1 урынны Зәй ГРЭСы, 2 нче урынны спорт идарәсе алды, 3 урынга - Зәй политехника көллияте лаек булды. Авыл яшьләре арасында 1 урын - Сәвәләй, 2 урын - Сарсаз-Баграж, 3 урын - Якты Күл булды. Шулай ук туристик слетта кызыклы сынауларның берсе пешекчеләр конкурсы булды. Беренче урынны Зәй шикәре заводы, икенче урынны Зәй ГРЭСы алды. Чара азагында барлык катнашучылар дипломнар һәм бүләкләр белән бүләкләнделәр.