Зәйдә чираттагы шимбә авыл хуҗалыгы ярминкәсе узды

Бүген «Энергетик» мәдәният сарае каршындагы үзәк мәйданда чираттагы шимбә авыл хуҗалыгы ярминкәсе узды, анда агросәнәгать паркының һәм җирле җитештерүчеләрнең авыл хуҗалыгы продукциясенең киң ассортименты тәкъдим ителде. Шулай ук ярминкәдә районның авыл җирлекләре һәм фермер хуҗалыклары да актив катнашты.Ярминкәдә 3: Төги, Түбән Биш һәм Чыбыклы авыл җирлекләре катнашты. Бирегә килүчеләр яшелчә,бәрәңге, ит һәм сөт продукциясе, шулай ук бал, он, ярма, кондитер, колбаса һәм җирле авыл хуҗалыгы җитештерүчеләренең башка продуктларын сатып ала алдылар. Традиция буенча, сәүдә рәтләре буенча беренчеләрдән булып район башлыгы Разиф Кәримов үтте. Ул шәһәр халкына тәкъдим ителә торган продукциянең ассортименты һәм сыйфаты белән танышты, Фермерлар һәм сатып алучылар белән әңгәмәләр алып барды, хезмәт күрсәтүне яхшырту буенча үз теләкләрен белдерде.