Зәйдә гомуми мәсьәләләр буенча күчмә киңәшмә узды

Бүген район администрациясе бинасының зур залында Федераль салым хезмәтенең Татарстан Республикасы буенча 11 нче районара инспекциясе гомуми мәсьәләләр буенча күчмә киңәшмә үткәрде. Киңәшмәдә салым түләүчеләр белән эшләү бүлеге башлыгы Новикова Татьяна Анатольевна, оператив контроль бүлеге башлыгы Тихонов Леонид Михайлович, бурычларны җайга салу бүлеге башлыгы Исхакова Эльвира Наилевна чыгыш ясады, шулай ук авыл җирлекләре башлыклары, шәхси эшмәкәрләр һәм шәһәр предприятиеләре вәкилләре катнашты.