Зәйдә көзге ярминкәләр башлана

9 сентябрьдән Зәйдә авыл хуҗалыгы ярминкәләре башлана. Сәүдә урыннары, гадәттәгечә, “Энергетик” мәдәният сарае каршындагы мәйданда иртәнге сәгать 7дән эшләячәк. Крестьян-фермер хуҗалыклары һәм шәхси ярдәмче хуҗалыклар, үз продукциясен сатарга теләүчеләр ярминкәдә катнашуга гариза бирер өчен район башкарма комитетның икътисад бүлегенә 3-41-33, 7-07-97 телефоннары буенча мөрәҗәгать итә алалар. Алга таба авыл хуҗалыгы ярминкәләрендә үз продукцияләрен сатарга теләүчеләргә ярминкәгә өч көн кала гариза бирергә кирәк булачак.