Район башлыгы кыска вакытлы ялга кайткан хәрби хезмәткәрләр белән очрашты
Бүген "Энергетик" мәдәният йортында район башлыгы Р.Г.Кәримовның кыска вакытлы ялга кайткан хәрби хезмәткәрләр – махсус хәрби операциядә катнашучылар белән чираттагы очрашуы булды. Очрашуда мобилизацияләнгән хәрбиләрнең, иреклеләрнең һәм контрактчыларның гаиләләренә ярдәм мәсьәләләре буенча эшче төркем әгъзалары, хәрби комиссариат вәкилләре, активистлар һәм волонтерлар, иҗтимагый берләшмәләр әгъзалары катнашты. Бер минут тынлык белән җыелганнар үз зонасында һәлак булган якташларын искә алдылар. Район башлыгы Разиф Кәримов хәрбиләрне шәһәр һәм районда башкарылган эшләрнең торышы һәм барышы белән таныштырды, барлык зәйлеләр исеменнән солдатларга Ватан мәнфәгатьләрен яклаган өчен рәхмәт белдерде, аларның батырлыгын билгеләп үтте, тулы көч тупларга һәм барысына да җиңү белән туган якларына әйләнеп кайтуларын теләде. Очрашу бүләкләү тантанасы белән дәвам итте. Разиф Гали улы 4 хәрби хезмәткәрнең якыннарына һәм туганнарына 2 нче мотоукчылар батальоны командирының Рәхмәт хатларын тапшырды. Якташларыбыз барлык хәрби бурычларны сыйфатлы һәм тиз үтәгәннәре өчен билгеләп үтелде. Чәй эчкәндә сугышчылар үз хезмәтләре турында сөйләделәр, адреслы гуманитар ярдәмнәре, якыннары турында кайгыртулары өчен зәйлеләргә зур рәхмәт белдерделәр. Аларның район җитәкчелегенә кызыксындырган сораулары белән турыдан-туры мөрәҗәгать итү, көнүзәк проблемалар турында фикер алышу мөмкинлекләре дә булды. Очрашу ахырында ялдагы хәрбиләргә район хакимиятеннән бүләкләр тапшырылды.