Халыкка социаль хезмәт күрсәтү үзәге «Иминлек мәктәбе»ндә чираттагы дәрес үткәрелде

Районның «Радость» комплекслы үзәгендә социаль эшләр бүлеге хезмәткәрләре һәм социаль хезмәткәрләр «Иминлек мәктәбе»ндә дәресләр оештыралар һәм үткәрәләр. Мондый дәресләр барышында янгын куркынычсызлыгы, электр техник, юридик иминлек, террорчылыкны, юл-транспорт һәлакәтләрен, мошенниклык гамәлләрен, йогышлы авыруларны кисәтү буенча инструктажлар үткәрелә. Бу чаралар өлкән яшьтәге кешеләргә һәм инвалидларга тормыш иминлегенең төп кагыйдәләрен өйрәтүгә һәм үзләштерүгә юнәлтелгән. 15 августта «Иминлек мәктәбе»нең грипп һәм яңа коронавирус инфекциясенә багышланган чираттагы шөгыле үткәрелде. Социаль хезмәткәрләр үзләренең тәрбияләнүчеләренә вируслы инфекцияләрнең ничек таралуы, кем яки нәрсә йоктыру чыганагы булырга мөмкин, нинди профилактика чаралары булуы турында сөйләделәр, гриппка каршы вакытында вакцинация ясауның хроник авырулар кискенләшү куркынычын киметүен аңлаттылар. Социаль хезмәтләр алучыларга күрсәтмә пособиеләр сыйфатында йогышлы авыруларны профилактикалау буенча белешмәләр таратылды, алар аны мөстәкыйль рәвештә өйрәнә алачак.