Район башлыгы Р.Г.Кәримовның Төзүчеләр көне белән котлавы

Хөрмәтле ветераннар һәм төзелеш тармагы хезмәткәрләре! Чын күңелдән сезне һөнәри бәйрәмегез - Төзүчеләр көне белән котлыйм! Төзүче - җәмгыятьтә киң кулланыла торган иң мактаулы, игелекле һөнәрләрнең берсе. Сезнең аркада кешеләр үз йортларын, үз нигезләрен булдыралар. Сезнең кулларыгыз белән эре инвестицион проектлар гамәлгә ашырыла, социаль объектлар төзелә, юллар, күперләр салына. Нәтиҗәле хезмәтегезнең ачык мисалы - яңа бассейн төзү, паркларны, ишегалларын төзекләндерү, төзекләндерелгән күпфатирлы йортлар, шәһәрдәге мәгариф, спорт, сәламәтлек саклау һәм мәдәният учреждениеләре, авыл җирлекләрендәге административ биналар, фельдшер-акушерлык пунктлары, районның торак пунктларында күпфункцияле үзәкләр төзү. Сезнең хезмәт җимешләреннән һәр зәйле файдалана, район икътисадының торышы, халыкның социаль иминлеге сезнең уңышларыгызга турыдан-туры бәйле. Һөнәри осталыгыгыз, иҗади хезмәтегез өчен ихлас рәхмәтемне белдерәм, анда сезнең күңелегезнең һәм талантыгызның бер өлеше салынган. Ныклы сәламәтлек, яңа уңышлар һәм һөнәри казанышлар насып булсын сезгә! Зәйлеләр сезнең барлык эшләрегезне рәхмәт сүзләре белән искә алсыннар, ә хезмәтегез һәрчак шатлык һәм канәгатьлек китерсен!