Бөтендөнья сәламәтлек көне

Һәр ел саен Россия Физкультурачы көнен августның икенче шимбәсендә билгеләп үтә. Бу бәйрәм физик культура һәм спортны яратырга чакыра. 11 август көнне Зәй районы «Радость» халыкка социаль хезмәт күрсәтү комплекслы үзәгендә «Улыбка» балалар яшүсмерләр клубында социаль хезмәтләр алучы балалар һәм яшүсмерләр Физкультурачы көненә багышланган чарада катнаштылар. Чара сәламәт яшәү рәвешен пропагандалауга һәм балаларны физкультура һәм спорт белән шөгыльләнүгә җәлеп итүгә юнәлдерелгән. Бәйрәмне ачу тантанадан башланды. Балалар белән кәгазь самолетлар ясаганда очучы булу өчен көчле һәм сәламәт булу кирәклеге турында фикер алышынды. Кәгазь самолетлар җибәрелгәннән соң, балалар ачык һавада музыка астында разминка ясадылар. Балалар җитезлеккә, кыюлыкка һәм чыдамлык конкурсларында катнаштылар. Уен программасы ахырында балалар бина тирәсендә массакүләм йөгерү оештырырга теләк белдерделәр. Балигъ булмаганнар уеннарда һәм эстафеталарда зур кызыксыну белән катнашты. Биремнәр хәрәкәт активлыгын арттырды һәм күңел күтәренкелеге өстәде. Программада катнашучыларның берсе дә җиңелү сизмәде, барысы да көчле һәм җиңүче булып калды. Барыбызны да традицион бәйрәм-Физкультурачы көне белән котлыйбыз, сәламәтлек, хәрәкәт, көч һәм җитезлек телибез!