Район башлыгы авыл хуҗалыгы бүлекчәләрендә булды
Бүген район башлыгы Р.Г. Кәримов авыл хуҗалыгы һәм агрофирма идарәләре белгечләре белән берлектә авыл хуҗалыгы бүлекчәләрендә булды. Сәфәр барышында «Союз-Агро» ҖЧҖнең Александр Бистәсе торак пунктында көзге арыш кырларын карадылар, анда эш әлеге культураның соңгы гектарларында алып барыла. Шулай ук «Восток», «Зәй» һәм «Зәй шикәре» агрофирмалары кырларында булдылар, бөртекле культуралар һәм борчак җыю буенча барлык отрядларның эшен карадылар. Район буенча бөртеклеләр уңышы - 30 ц/га, шул исәптән көзге бодай - 34,6 ц/га, арпа - 24,2 ц/га, көзге арыш - 29,6 ц/га, борчак - 13,2 ц/га тәшкил итә. Куелган планның 63% җыеп алынган инде. Механизаторлар белән очрашуда Разиф Галиевич аеруча урып-җыю эшләренең вакытына һәм сыйфатына игътибар итте. Һава шартлары уңай торса, районның бөртекле культураларны августның икенче декадасында җыеп бетерергә барлык мөмкинлекләре бар. Сәфәр барышында район башлыгы шулай ук Дурт-Мунча һәм Куш-Елга сөтчелек комплексларында терлекчелек эшләренең торышы белән танышты. Комплекслар һәм азык саклау территорияләре тиешле тәртиптә тотыла, шулай ук территорияне терлекчелекнең өстәмә продукциясеннән чистарту оештырылган. Комплексларда тәүлек савымны арттыру буенча планлы эш алып барыла. Разиф Галиев бер атна эчендә бер сыердан уртача савымны 20 килограммга җиткерү бурычын куйды.