Зәйдә "Куркынычсыз сыйфатлы юллар" милли проекты кысаларында юллар ремонтлана
2023 елда Зәй муниципаль районында «Куркынычсыз сыйфатлы юллар» милли проекты кысаларында районда 4 юл участогында эшләр алып барыла: - Чаллы - Зәй – Әлмәт – 2 автомобиль юлы ( 53+260 км 55+260 км сулда; 66+148 км 66+779 км сулда; 67+220 км 68+020 км сулда; 56+584 км 57+086 сулда; 58+665 км 60+553 сулда; 62+600 км 65+500), гомуми озынлыгы 8 км 721 м. Әлеге автомобиль юлы ике федераль трассаны тоташтыра: «Идел» М7 федераль автомобиль юлы һәм Р239 Оренбург тракты, шулай ук Зәй шәһәрен Яр Чаллы һәм Әлмәт шәһәрләре белән тоташтыра; - Зәй – Сухарево автомобиль юлы (1+775 – 5+400 км), озынлыгы 3 км 645 м; - Югары Налим авылында Басар инеше аша үтүче күпер. Бүгенге көндә "Чаллы – Зәй – Әлмәт", 53+260 – км 55+260 (сулда), 66+148 – км 66+779 (сулда), 67+220 – км 68+020 (сулда)» һәм «Зәй – Сухарево» юлларында эшләр тәмамланган. Юлның йөрү өлешен фрезерлау үткәрелгән, тигезләүче һәм өске катлам җәелгән, юл кырыйлары ныгытылган. «Яр Чаллы – Зәй – Әлмәт, 53+260 – км 55+260 (сулда)» юл участогында юлның киңлеге арттырылган. Бу юл хәрәкәте куркынычсызлыгын арттырачак. «Яр Чаллы – Зәй – Әлмәт, 62+600 – 65+500 км" юл участогында эшләр тәмамлануга бара. Бүгенге көндә юл япмасының өске катламын салу, юл кырыйларын, юл билгеләрен төзү, юл билгеләрен салу буенча соңгы эшләр калды. Шулай ук Югары Налим авылында Басар инеше аша күпердә эшләр дәвам итә: төзелеш мәйданчыгы әзерләнгән һәм свайлы кыр монтажланган. Соңгы өч елда әлеге милли проект кысаларында Зәй муниципаль районында 23 км артык автомобиль юлы ремонтланган.