«Мәгариф» милли проекты замана укучысын һәрьяклап үстерү өчен

«Заманча мәктәп» федераль проектының «Мәгариф» милли проекты кысаларында Зәй районының 10 мәктәбе базасында 2020 елдан «Үсеш ноктасы» мәгариф үзәкләре эшләп килә. Мәктәпләрдә матди-техник база яңартылды, цифрлы, табигый-фәнни, техник һәм гуманитар профильләрдә укучыларның төп һәм өстәмә гомуми белем бирү программаларын үзләштерүен тәэмин итүче яңа укыту һәм тәрбия, мәгариф технологияләрен гамәлгә кертү өчен шартлар булдырылды. 2021 елда «Һәр баланың уңышы» федераль проекты кысаларында Зәй районының Түбән Биш мәктәбендә спорт залы ремонтланды. Хәзерге спорт залы волейбол, баскетбол һәм милли көрәш белән шөгыльләнү өчен менә дигән мөмкинлек. Милли көрәш буенча төрле дәрәҗәдәге ярышларда катнашу нәтиҗәләре буенча мәктәп укучысы Ибраһимов Җәмил дә югары нәтиҗәләр күрсәтә. Егетләр һәм кызларның мәктәп командасы волейбол һәм баскетбол буенча призлы урыннарны күп тапкырлар яулады. Быел Түбән Биш мәктәбе базасында «Үсеш ноктасы» табигый-фәнни һәм технологик юнәлешле мәгариф үзәге төзеләчәк. Мәктәпкә химия, биология һәм физика буенча комплектлар һәм кирәк-яраклар китерү бара. Ремонт эшләре дә актив алып барыла. Ә 6 нчы мәктәптә «Мәгариф» милли проектының «Цифрлы белем бирү мохите» федераль проекты кысаларында цифрлы белем бирү тирәлеген кертү өчен матди-техник база яңартылачак. 2022 елда мондый яңартуны 2 нче һәм 4 нче мәктәпләр алды. Зәй мәктәпләре җитәкчеләре билгеләп үткәнчә, «Үсеш ноктасы» үзәкләре гомуммәдәни кыйммәтләрне, цифрлы грамоталылыкны, проект эшчәнлеген, балаларның, педагогларның, ата-аналар җәмәгатьчелегенең иҗади социаль мөмкинлекләрен үстерү өчен мөһим. Үзәкләр укучыларда заманча компетенцияләр һәм күнекмәләр булдыруны тәэмин итә.