Балалар һәм яшүсмерләр Зәй туган якны өйрәнү музеенда булдылар
Музей-гадәти булмаган урын, анда балаларның күзаллауларын киңәйтергә ярдәм итүче күнекмәләр алырга һәм аларны үстерергә мөмкин. Музей үсеп килүче буында мәдәният һәм сәнгать объектларына эстетик мөнәсәбәт тәрбияли, гаҗәпләнергә, уйларга һәм хыялланырга өйрәтә. Шушы көннәрдә «Шатлык» халыкка социаль хезмәт күрсәтү комплекслы үзәгенең гаиләгә һәм балаларга ярдәм бүлеге социаль хезмәт күрсәтүчеләре яшьләр эшләре һәм мәдәният идарәсе белән берлектә Зәй туган якны өйрәнү музеена экскурсия оештырганнар. Балалар анда зур теләк белән барганнар,1902 елда төзелгән һәм беренче гильдия сәүдәгәре Иван Никифорович Бекетовныкы булган бина турында күп кызыклы мәгълүмат алганнар, зур кызыксыну белән экскурсоводны тыңлаганнар, экспонатларны карап көп төрле сораулар биргәннәр. Алар арасында мамонтлар калдыклары, декоратив-кулланма сәнгать әйберләре коллекциясе, йорт савытлары, агач ныгытма макеты, сирәк документлар, фотолар, Зәй халкының мемориаль әйберләре, Зәй рәссамнарының рәсемле картиналары коллекциясе бар. Зәй туган якны өйрәнү музеенда булу балаларда зур кызыксыну уята. Безнең һәрберебез өчен тарих хәтерен саклау бик мөһим!