Район башлыгы авыл хуҗалыгында эш барышы белән танышты

Бүген район башлыгы Р.Г. Кәримов авыл хуҗалыгы һәм азык-төлек идарәсе, агрофирма белгечләре белән бергә авыл хуҗалыгы бүлекчәләрен чираттагы тапкыр карап чыкты. Район башлыгы иген культураларын җыю буенча барлык отрядларның эше барышы белән танышты, алар районда 6, шуларның өчесе - турыдан - туры арпа суктыруда, өчесе - көзге бодай басуларында эшли. Барлык ашлык җыю отрядлары бөртек ташу өчен җитәрлек күләмдә автомобильләр һәм янгын куркынычсызлыгын тәэмин итү өчен су савытлары, сука һәм трактор белән комплектланган. Елның коры килүенә карамастан, район буенча бөртеклеләрнең уңышы 33,5 ц/га тәшкил итә, шул исәптән көзге бодай – 35,3 ц/га, арпа – 29 ц/га. Разиф Галиевич механизаторлар белән әңгәмә корып, аларга уңышлар, авариясез эш теләде, куркынычсызлык техникасын үтәүгә аерым игътибар юнәлтте һәм уңышны югалтуларсыз һәм минималь чыгымнар белән җыеп алырга чакырды. Шулай ук 5 нче ремонт цехында «Ропа-Тигр» чөгендер җыю комбайннарын һәм «Ропа-Маус» йөк төягечләрен ремонтлау барышы белән дә таныштылар. Чөгендер җыю комбайннары 100% әзерлек сызыгына куелган, йөк төягечләрне ремонтлау дәвам итә. Разиф Гали улы игътибарны ремонтның сыйфатына юнәлтте, чөнки шикәр чөгендере казуда вакытка сыешу һәм эш сыйфаты ремонтның ничек башкарылуына бәйле. Районда туфрак һәм пар җирләрен эшкәртү дә яхшы оештырылган. Тикшерү барышында суктырылган көзге бодай басуында тукталдылар, анда «Джон-Дир» тракторы «Хорш-Тигр» агрегаты белән эшли. Агрегатның эш сыйфаты яхшы. Барлык кырларны да шундый сыйфатта эшкәртергә күрсәтмә бирелде.