Район башлыгы Икътисади совет утырышын үткәрде

Бүген хакимият бинасының кече залында район башлыгы Разиф Кәримов Икътисади советның чираттагы утырышын үткәрде. Утырышта «Челтәр компаниясе» ААҖ филиалы Түбән Кама электр челтәрләре Зәй бүлегенең 2023 елның 6 ае эчендә эшчәнлегенең төп нәтиҗәләре һәм 2023 елга перспектив планнары каралды. Доклад белән «Челтәр компаниясе» ААҖ филиалы – Түбән Кама электр челтәрләре Зәй районы башлыгы Лукин Олег Анатольевич чыгыш ясады. Ул үз чыгышында филиал эшчәнлегенең төп юнәлешләре турында сөйләде. Бу - Зәй муниципаль районы кулланучыларын электр белән ышанычлы, сыйфатлы һәм өзлексез тәэмин итү, предприятие һәм оешмаларның, кече һәм урта бизнесның нәтиҗәле эшчәнлеге, Зәй муниципаль районының һәм тулаем Татарстан Республикасының динамик социаль-икътисадый үсеше максатларында халыкның уңайлы һәм имин тормыш эшчәнлеге өчен шартлар тудырып, Зәй муниципаль районы кулланучыларын электр энергиясе белән тәэмин итү; яңа кулланучыларны тоташтыру өчен шартлар тудыру, әлеге юнәлешләрдә коллектив уңышлы эшли. Разиф Гали улы ремонт эшләрен көчәнеш астында башкару өлешенә игътибарны юнәлтте, оешма өчен булачак кадрлар әзерләүче профильле уку йортлары, шул исәптән Зәй политехник көллияте белән хезмәттәшлек итү буенча үз тәкъдимнәрен бирде. Икътисади совет әгъзалары үзләрен кызыксындырган сорауларга тулы җаваплар алдылар. Утырышка район башлыгы Разиф Кәримов йомгак ясады.