Өлкән яшьтәге социаль хезмәтләр алучы зәйлеләр өчен Гавриил Державинның туган көненә багышланган чара узды

14 июльдә - күренекле шагыйрь һәм дәүләт эшлеклесе Гавриил Романович Державинның тууына 280 ел. Бу көнне Зәй “Радость” комплекслы үзәгендә хезмәт күрсәтү бүлеге белгечләре шәһәр китапханәсе хезмәткәрләре белән берлектә, «Библиотерапия» программасын гамәлгә ашыру кысаларында китапханә сәгате үткәрделәр. Китапханә хезмәткәрләре өлкәннәргә шагыйрьнең тормышы һәм иҗаты турында сөйләделәр. Арада Мария Максимовна Челнинская да бар иде. Ул кунакларны бик теләп кабул итте, әзерләнгән хикәяне игътибар белән тыңлады, фоторәсемнәрне кызыксынып өйрәнде. Әлеге программа үзенең уңай нәтиҗәләрен бирә. Чөнки спорт белән шөгыльләнү тәннең торышын ничек яхшырта ала, шулай ук уку кешенең баш миен «өйрәтә» ала, аңа картаймаска ярдәм итә. Ә мондый тренировка үз чиратында нейрон бәйләнешләренең җимерелүен акрынайта һәм картлык зәгыйфьлеге үсешенә комачаулый. Бу комплекслы үзәк һәм шәһәр китапханәсе тарафыннан өйдә социаль хезмәтләр алучылар өчен үткәрелгән беренче уртак чара түгел, һәм ул өлкәннәр арасында аралашу даирәсен шактый киңәйтергә мөмкинлек бирә.