Район башлыгы төзелеш һәм капиталь ремонт объектларын карап чыкты

Бүген район башлыгы Разиф Кәримов төзелеш һәм капиталь ремонт объектларын карап чыкты. Очрашу барышында Разиф Гали улы үзәк район хастаханәсенең ашыгыч һәм кичектергесез медицина ярдәме бүлегендә, татар гимназиясендә, бассейнда, «Яшьләр» паркында, Җиңү Проспекты 1/10, 1/04 ишегалларында булды. Район башлыгы белән бергә район Башкарма комитеты җитәкчесе Э.Э. Галиев, район Башкарма комитеты җитәкчесенең инфраструктура үсеше буенча урынбасары Ринат Хәҗипов, подряд оешмалары һәм җаваплы хезмәтләр вәкилләре катнашты. Разиф Гали улы төзелеш эшләренең барышы белән танышып чыкты, подрядчылар белән тапшыру срокларын тикшерде. Төзүчеләрнең һәм подрядчыларның аерым игътибарын ул эшләрнең сыйфатына юнәлтте һәм тикшерү нәтиҗәләре буенча җаваплы затларга тиешле йөкләмәләрен бирде.