Үзеңне аңла!

Балалар һәм яшүсмерләр өчен аралашу клублары - төркем эшенең нәтиҗәле профилактик формасы. «Демография» милли проекты кысаларында клуб эшчәнлегенең беренче чираттагы бурычларының берсе булып сәламәт яшәү рәвеше һәм үсеп килүче буынның гармонияле үсешен булдыру, балаларны һәм яшүсмерләрне зарарлы гадәтләрдән, асоциаль тәртиптән аеру тора. Татарстан Республикасы Хезмәт, халыкны эш белән тәэмин итү һәм социаль яклау министрлыгының «Радость» халыкка социаль хезмәт күрсәтү комплекслы үзәге» дәүләт автоном учреждениесе базасында күп еллар инде кече һәм урта яшьтәге балалар өчен «Улыбка» клубы эшли. Клубның төп юнәлеше - балаларның буш вакытын оештыру, кызыксынулар, актив танып белү, хезмәт, мәдәни-иҗат эшчәнлеге, шәхеснең рухи-әхлакый формалашуын тәэмин итү. Клубта балаларның һәм яшүсмерләрнең «Үзеңне аңла» шәхси үсеше буенча төркем белән шөгыльләнү программасы тормышка ашырыла. Бу мәктәп яшендәге балалар өчен шәхесне гармонияләштерүгә һәм социаль-психологик адаптация процессын камилләштерүгә, балаларның үз – үзләрен тотышындагы булган тайпылышларны төзәтүгә юнәлдерелгән коллектив-иҗади эшчәнлек. 12 июльдә балалар белән программа кысаларында «Түгәрәк буенча алкышлар» дәресе уздырылды, аның максаты - яшьтәшләр арасындагы мөнәсәбәтләрне яхшырту, хисләр дөньясын һәм аларны белдерү ысулларын ачу. Дәрес барышында балалар үзләрендә һәм тирә-юньдәгеләрдә алкышларга лаек көчле сыйфатлар күрергә тырыштылар. Һәм алар аз булмады. Шунысын да билгеләп үтәргә кирәк, баланың күп кенә уңай яклары аның тирәсендәге балалар тарафыннан ачыкланды, ягъни ул үзе бу сыйфатларны үзендә хәзер генә күрде. Шуңа күрә әти-әниләргә киңәш итәбез: Баланың гамәлләрен мактагыз, аның сыйфатын күрсәтегез. Мәсәлән: Бүген савытларны юуың өчен рәхмәт, син бик игътибарлы. Йортсыз мәчене ашаттың, молодец, син яхшы күңелле.