Татарстанның яшь белгечләре һәм яшьләре ташламалы шартларда торак алачак -республикада «Яшьләр торак конкурсы – 2023» конкурсында катнашу өчен гаризалар кабул итү башланды

Республикада «Яшьләр торак конкурсы» старт алды, аның җиңүчеләре социаль ипотеканың ташламалы шартларында фатир сайлап алу һәм берничә ай эчендә яңа торакка урнашу хокукына ия булалар. 24 июнь-Татарстан Республикасында Бөтенроссия Яшьләр көнен бәйрәм итү кысаларында яшь белгечләр, укытучылар, тәрбия эше буенча хезмәткәрләр- 18 яшьтән 35 яшькә кадәрге актив эшләүче һәм студент яшьләр арасында социаль ипотека программасы буенча ташламалы шартларда торак алуга конкурста катнашу өчен гаризалар кабул итү игълан ителде. Яшьләр торак конкурсы – яшьләр өчен, шул исәптән әле гаилә кормаганнар өчен дә, социаль ипотека шартларында квадрат метры 60-70 мең сумнан әзер фатирлы булу һәм яңа фатирда яшәп, 28,5 елга кадәр кечкенә өлешләп түләү мөмкинлеге бирүче уникаль конкурс. Конкурста кем катнаша ала: - Яшь белгечләр; - Башкарма комитетларның, учреждениеләрнең, яшүсмерләр клубларының, яшьләр үзәкләренең яшьләр белән эшләү буенча белгечләре; Сәнәгать предприятиеләрендә һәм оешмаларында, шул исәптән дәүләтнеке булмаган, коммерцияле оешмаларда яшьләр белән эшләү буенча белгечләр; Яшь укытучылар һәм мәгариф учреждениеләренең яшьләр белән эшләү буенча хезмәткәрләре; Җәмәгать оешмалары активистлары; - Яшьләр-Татарстан яшьләр сәясәте проектларында, студентлар үзидарәләрендә һәм иҗат берләшмәләрендә катнашучылар; Конкурсның өстенлеге һәм үзенчәлеге шунда ки, ташламалы шартларда гаиләле булмаган яшьләр дә катнаша һәм үз торакларын сатып ала ала. Конкурста катнашуның шартлары турында тулырак мәгълүмат #жильемолодымрт 27.06.2023 сылтама буенча: https://vk.com/video-71695567_456240170 ("Яшьләр торак конкурсы" темасы туры эфирның 1 сәгать 35 минутыннан башлана).