Зәйдә Бөек Ватан сугышы ветераны Валентина Лыкованы 100 яше белән котладылар

Бүген район башлыгы Р.Г. Кәримов Бөек Ватан сугышы ветераны Лыкова Валентина Лукьяновнаны 100 яшьлек юбилее белән котлады. Разиф Гали улы юбилярга сәламәтлек, рух күтәренкелеге һәм якыннарының һәрвакыт янәшә булуларын һәм аңа төрле яклап ярдәм итеп яшәүләрен теләде. Валентина Лукьяновнаны юбилее белән шулай ук Россия Федерациясе Дәүләт Думасы депутатлары Айдар Метшин һәм Олег Морозов ярдәмчеләре котлады, юбилярга Олег Морозов һәм Татарстан Республикасы Дәүләт Советы депутаты Николай Нефедовның видеокотлаулары күрсәтелде. Шулай ук хәрби комиссар Айрат Әгъләмҗанов, район ветераннар Советы рәисе Алексей Алексеев үзләренең җылы теләкләрен җиткерделәр. Юбиляр хөрмәтенә сугыш еллары җырлары башкарылды. Валентина Лукьяновна фронт шәфкать туташы, икенче дәрәҗә Ватан сугышы ордены иясе. Ул Үзәк, аннары 2 нче Белоруссия фронты составында Курск сугышында катнаша, бөтен Украинаны, Белоруссияне уза, Польшага кадәр барып җитә. 1944 елда демобилизацияләнә. 1958 елда ире һәм балалары белән бергә Зәй шәһәренә килә. Яше һәм кичергән авырлыкларына карамастан, Валентина Лыкова тормышны яратудан туктамый, аның тормыш һәм фронт юлы күпләр өчен үрнәк була ала. Ветеранның биш баласы, 9 оныгы, 20 оныкчыгы һәм 1 оныкчыгының баласы бар. Ул якыннары тәрбиясендә яши.