Мәгариф идарәсе методисты "Мактаулы остаз" билгесе белән бүләкләнде

Төбәк мәгариф сәясәтенең өстенлекле юнәлеше булып мәгариф сыйфатын бәяләүнең бөтен системасын үстерү тора. 7 июльдә Биектау районының «Иннополис мәктәбе» ДАССО базасында Татарстан Республикасы Мәгариф һәм фән министрлыгының «Гомуми белем бирү системасында бәяләү процедуралары: тенденцияләр һәм перспективалар» коллегиясе узды. Анда 2023 елда Татарстан Республикасында дәүләт йомгаклау аттестациясе нәтиҗәләре, 2023 елда дәүләт йомгаклау аттестациясен үткәрүнең объективлыгы мәсьәләләре һәм типик кагыйдә бозулар, 2023-2024 уку елында профильле белем бирүне гамәлгә ашыру перспективалары турында фикер алыштылар. 2023 елда ГИА уздыру нәтиҗәләре буенча ТР Мәгариф һәм фән министры Илсур Гәрәй улы Һадиуллин республиканың иң яхшы педагогларына һәм мәктәпләренә бүләкләр тапшырды. Мәгариф идарәсе методисты Әюпова Венера Мөхлисулла кызы яшь педагогларга һөнәри яктан ярдәм итүдә зур хезмәтләре өчен "Мактаулы остаз" билгесе белән бүләкләнде. Котлыйбыз!