Зәй агрофирмалары бөтенроссия Кыр көнендә бүләкләнде

6 июльдән 9 июльгә кадәр «Казан-Экспо» Халыкара күргәзмәләр үзәгендә Бөтенроссия "Кыр көне" узды. Анда Зәй районы башлыгы Разиф Кәримов һәм авыл хуҗалыгы идарәсе башлыгы Фәргать Камалиев җитәкчелегендә авыл хуҗалыгы хезмәтчәннәренең зур делегациясе катнашты. Чара барышында Зәй районы территориясендә агрофирмаларның нәтиҗәле эшләве югары бәяләнде. "Зәй" агрофирмасы югары җитештерү күрсәткечләренә ирешкән өчен «2022 елның иң яхшы чөгендер чәчүче хуҗалыгы» конкурсында Россия Шикәр җитештерүчеләр берлегенең I дәрәҗә дипломы, "Зәй шикәре" агрофирмасы - II дәрәҗә дипломы белән бүләкләнде. Мактаулы дипломнар агрофирмаларның баш агрономнары Олег Умновка һәм Айдар Тучинга тапшырылды.