Зәйдә «Гаилә стартлары» узды

7 июльдә Р.Ш. Фәрдиев исемендәге паркта Гаилә, мәхәббәт һәм тугрылык көненә багышланган «Гаилә стартлары» спорт чарасы узды. Чара «Демография» милли проектының максатларын үтәүгә юнәлдерелгән. Чараның бурычлары: гаилә ролен күтәрү, әти- әниләргә, балаларга ярдәм итү, гаилә ялы формаларын киңәйтү; Зәй муниципаль районы халкы арасында физик культураны һәм спортны популярлаштыру, сәламәт яшәү рәвешен формалаштыру, үсеп килүче буынны физик яктан сәламәт һәм социаль актив итеп тәрбияләү нигезләре буларак спортны пропагандалау. Әни, әти һәм 6 яшьтән 12 яшькә кадәрге бала составындагы гаилә командалары «Әти, әни, мин –спорт гаиләсе», «Сазлык», «Сәяхәтче бака», «Кырыгаяк», «Гаилә идиллиясе», «Каршылыклар полосасы» эстафеталарында катнашты. Һәр катнашучы үз көчен, җитезлеген һәм тизлеген күрсәтергә тырышты. Иң спортлы гаиләләр дипломнар һәм кыйммәтле призлар белән бүләкләнделәр. Ярышлар нәтиҗәләре буенча 1 урынны Фәретдиновлар гаиләсе, 2 урынны - Дзема гаиләсе, 3 урынны - Юлаевлар алды. Ярышлар турында үз тәэсирләре белән командасы 2 нче урынга чыккан Олеся Дзема уртаклашты: -“Чара программасы кызыклы һәм шактый бай булды. Күңелле музыка яңгырап торды. Катнашучылар ярыштылар, һәм команданың һәр әгъзасы үз тупланмасына мөмкин кадәр күбрәк очко китерергә омтылды. Кемдер моны яхшырак эшли, кемдер бик үк яхшы түгел, әмма гомумән алганда, барлык гаиләләр дә тырыштылар һәм бик лаеклы булып күренделәр. Җанатарлар һәм тамашачылар үз чиратында вакыйгалар барышын күзәтеп, үз уенчыларына көч биреп тордылар. Барлык катнашучылар да истәлекле бүләкләр, грамоталар алды. Барысы да яхшы кәеф белән китте. Мондый искиткеч бәйрәм оештыруыгыз өчен бик зур рәхмәт сезгә”.