Зәй районында балалар сәламәтләндерү лагерьлары фестивале узды

Бүген "Факел" балалар ял лагеренда Татарстан Республикасында милли мәдәниятләр һәм гореф-гадәтләр, Зәй муниципаль районында Тынычлык һәм халыклар дуслыгы елына багышланган балалар сәламәтләндерү лагерьлары фестивале узды. Әлеге фестиваль районда беренче тапкыр үткәрелә һәм анда «Йолдызлык», «Факел», «Ялта-Зәй» балалар сәламәтләндерү лагерьларыннан 150дән артык бала катнашты. Зәй муниципаль районы башлыгы Кәримов Разиф Гали улы, район Башкарма комитеты җитәкчесе Галиев Эмиль Эдуард улы, Зәй муниципаль районы Советы каршындагы Мәгариф, мәдәният, сәламәтлек саклау, физик культура һәм спорт һәм милли сәясәт буенча даими комиссия рәисе – атказанган физик культура һәм спорт хезмәткәре, Россиянең Мактаулы «Динамовчысы», Россия чаңгы узышлары федерациясе президиумы әгъзасы Галиев Эдуард Шәйхенур улы, «Челтәр компаниясе» АҖ Түбән Кама электр челтәрләре филиалы директоры Галимов Алмаз Ибраһим улы һәм «Татнефть» ААҖ профкомы рәисе урынбасары Хамадьяров Рифдар Рифкать улы әлеге фестивальнең мактаулы кунаклары булдылар. Балалар спорт ярышларында, иҗади конкурсларда ярыштылар, шулай ук интерактив мәйданчыклар эше, балалар сәламәтләндерү лагерьлары командаларының иҗади чыгышлары оештырылды. Барлык мәйданчыклар иҗади сәләтләрне үстерүгә һәм физик сәламәтлекне ныгытуга юнәлдерелгән иде. Нәтиҗәдә урыннар түбәндәгечә бүленде: 1 урынны берьюлы ике балалар сәламәтләндерү лагеры: «Йолдызлык» һәм «Факел» алды, ә икенче урынга «Ялта-Зәй» спорт әзерлеге үзәге лаек булды. Барлык катнашучылар дипломнар һәм истәлекле бүләкләр белән бүләкләнделәр. Фестиваль балаларга мондый зур лагерьара чараларда катнашуның кыйммәтле тәҗрибәсен бүләк итте, ә иң мөһиме – һәр катнашучы уңай хис- кичерешләрдә коенды.