Район башлыгы шәһәр объектларында булды

Бүген район башлыгы Р.Г. Кәримов «Техно заводы» ҖЧҖдә булды. Предприятие даими рәвештә экологик куркынычсызлыкны арттыру өстендә эшли, калдыкларны чистартуның заманча ысулларын кертә. Монда беренче технологик линиядә полимерлаштыру камерасы фильтрын газ белән чистарту системасы җиһазларын монтажлау тәмамланган. Икенче линиядә җиһазлар узган ел эшләтеп җибәрелгән иде. Завод директоры Андрей Мамонтов киләсе атнага эшләтеп җибәрү планлаштырыла торган яңа җиһазларның өстенлекләре турында сөйләде. Шулай ук район Башлыгы ашлык саклау предприятиеләре - Зәй элеваторы һәм икмәк кабул итү предприятиесендә булды. Визит барышында Разиф Гали улы җитәкчеләре белән әңгәмә корды, аларның 2023 ел уңышын кабул итүгә әзерлеге белән танышты. Район башлыгы предприятиеләрнең икътисади күрсәткечләре белән кызыксынды, директорларга хезмәтне яхшы оештырганнары өчен рәхмәт белдерде, алга таба нәтиҗәле эш теләде.