«Коррупциягә каршы бергә» конкурсы үткәрелә

Коррупциягә каршы социаль рекламаның чираттагы Халыкара яшьләр конкурсы старт алды. Быел конкурс коррупциягә каршы тору буенча дәүләтара совет эгидасы астында оештырылды. Конкурста катнашырга 14 яшьтән 35 яшькә кадәрге яшьләр чакырыла, аларга «Бергә коррупциягә каршы» темасына конкурс эшләре әзерләргә тәкъдим ителә. Аларда коррупциягә каршы көрәш турындагы үз идеяләре һәм күзаллаулары, шулай ук бу юнәлештә халыкара хезмәттәшлекнең роле һәм әһәмияте чагылдырылырга тиеш. Эшләр 2023 елның 1 октябренә кадәр конкурсының рәсми сайтында ике номинациядә Иң яхшы плакат һәм Иң яхшы видеоролик кабул ителә. www.anticorruption.life Халыкара конкурсны үткәрү кагыйдәләре Конкурс сайтында Берләшкән Милләтләр Оешмасының рәсми телләрендә (рус, инглиз, гарәп, испан, кытай һәм француз) бар. Традиция буенча конкурска йомгак ясауны Халыкара коррупциягә каршы көрәш көненә (9 декабрь) багышлау планлаштырыла. Әлеге проект коррупцияне профилактикалау мәсьәләләренә киң игътибар җәлеп итәр һәм җәмгыятьтә коррупциягә карата түземсез мөнәсәбәт формалаштыруга зур өлеш кертер дип өметләнәбез.