Зәйдә наркотикларга каршы көрәш комиссиясе утырышы узды

Бүген хакимият бинасының кече залында район башлыгы урынбасары П.С. Уразайкин катнашында наркотикларга каршы комиссия утырышы узды. Түбәндәге мәсьәләләр каралды: диагностика, профилактика чаралары, наркоманиядән дәвалану һәм наркотикларны һәм психотроп матдәләрне медицинага бәйсез куллануга бәйле рәвештә медицина һәм социаль реабилитация үтү бурычы йөкләнгән затларны контрольдә тоту турында; наркотикларның законсыз әйләнешенә каршы тору буенча эшләрнең торышы, районда халыкны наркотиклаштыруны кисәтү чараларын арттыру турында; яшүсмерләрне һәм яшьләрне физик культура һәм спорт белән шөгыльләнүгә җәлеп итү, сәламәт яшәү рәвеше алып баруга тарту. Утырышта катнашучылар алдында Зәй РҮХ психиатр-наркологы табиб Илфат Салихов, Россия Эчке эшләр министрлыгының Зәй районы буенча бүлегенең оператив эш буенча полиция башлыгы урынбасары Эдуард Ефимов, физик культура, спорт һәм туризм идарәсе башлыгы вазифаларын башкаручы Ирина Халикова чыгыш ясады. Нәтиҗә ясап, наркотикларга каршы комиссия рәисе урынбасары Петр Уразайкин барлык юнәлешләр буенча эшне активлаштырырга, шулай ук халыкны сәламәт яшәү рәвешен пропагандалау чараларына җәлеп итәргә тәкъдим итте.