ТР Дәүләт Советы депутаты Илшат Әминов гражданнарны кабул итте

2023 елның 20 июнендә Зәй җирле «Бердәм РОССИЯ» җәмәгать кабул итү бүлмәсендә гражданнарны кабул итү узды. Кабул итүне VI чакырылыш Татарстан Республикасы Дәүләт Советы депутаты Әминов Илшат Юныс улы, «Бердәм РОССИЯ» партиясенең депутат фракциясе җитәкчесе Петр Уразайкин, Зәй шәһәре башлыгы урынбасары Елена Недошивина белән берлектә уздырды. Илшат Әминовка шәһәр һәм район халкы көндәлек тормышларына кагылышлы төрле сораулар белән мөрәҗәгать итте. Җитди мәсьәләләрнең берсе: хезмәт күрсәтүгә бүлеп бирелгән лимитларны арттыруда, хуҗаларсыз (этләр) хайваннар белән эш итү буенча эшчәнлекне гамәлгә ашырганда чаралар оештыруда ярдәм күрсәтү. Шулай ук спорт мәйданчыкларын ремонтлау буенча закон чыгару программасын эшләү мәсьәләсе дә куелды. Зәй районында 2013 елдан бирле 25 спорт мәйданчыгы төзелгән һәм файдалануга тапшырылган. Аларның 11е вакыт узу белән ремонт таләп итә. "Гражданнарны кабул итүдә күтәрелгән барлык сорауларны мин контрольгә алачакмын һәм якын арада шәһәр халкы җавап алачак», - дип белдерде VI чакырылыш Татарстан Республикасы Дәүләт Советы депутаты Әминов Илшат Юныс улы.