18 июньдә РФ оборона министры Сергей Шойгу хәрби бурычны үтәгәндә батырлык һәм кыюлык күрсәткән хәрби хезмәткәрләргә дәүләт бүләкләре тапшырды. Бүләкләнүчеләр арасында якташыбыз - кече лейтенант Борисов Георгий Михайлович та бар. Россия Федерациясе Президенты В.В.Путин Указы белән ул Батырлык ордены белән бүләкләнде. Без Ватаныбыз азатлыгын саклауда торган батыр егетләребез белән горурланабыз! Геройның хатынын район башлыгы Разиф Кәримов исеменнән, район башлыгы урынбасары Петр Уразайкин һәм район хәрби комиссары Айрат Әгъләмҗанов котлады.