Үзәк китапханәдә мәктәп яны лагерьлары балалары өчен белем алу-уен программасы оештырылды

Сәламәтлек - теләсә кайсы кешенең тормышында иң зур байлык. Балаларга яшьтән үк сәламәт яшәү рәвеше күнекмәләрен өйрәтү бик мөһим. 16 июнь көнне С.Рафыйков исемендәге Үзәк китапханәдә Медицина хезмәткәре көнен бәйрәм итү алдыннан, 4 нче мәктәпнең мәктәп яны лагерында тәрбияләнүче балалар өчен “Сәламәт булырга теләсәң - бул!”- дигән танып-белү-уен программасы узды. Китапханәче белән бергә балалар сәламәтлек иле буйлап сәяхәткә киттеләр, сәламәт яшәү рәвеше турында күп кенә кызыклы нәрсәләр белделәр, уеннарда уйнадылар һәм күңел ачтылар. Моннан тыш, бәйрәмгә ерак илдән доктор килде. Балалар өчен күп кенә конкурслар һәм кызыклы биремнәр әзерләнде, аларны үтәү өчен яхшы физик әзерлек, осталык һәм зирәклек кирәк булды.